COLLOQVIA LATINA BARCINONENSIA III

Quando fiet cursus: a die 4º mensis Iulii usque ad diem 8um eiusdem mensis. Ab hora 3ª postmeridianâ cum dimidiâ usque ad septimam cum dimidiâ. Sed nolite timere, haudquaquam aestuabimus, conclavia aere frigido instructa erunt!

Quot horas complectitur: 20 horas 

Quanti: 80

Quibus est destinatus:

Magistris Latinitatis qui studeant expeditius in scholis Latine loqui.
Studiorum Vniversitatis discipulis aliisque, qui velint et Latine loqui et Latine scribere.

Vbi fiet:

In Aedibus Convalescentium Valetudinarii Sancti Pauli (Viâ Divi Antonii Mariae Claret nº 171).

Moderatrices:

Cándida Ferrero Hernández atque Alba Aguilera, Seminarii Scientiarum Antiquitatis et Medii Aevi Vniversitatis Autonomae Barcinonensis;

Magistri:

Luis Folgado, Collegium Latinitatis, Valentiae, et Lycei "Marjana", Chivae apud Valentiam; Jorge Tárrega, Collegium Latinitatis, Valentiae, et Lycei “El Grao”, eiusdem civitatis; Elena Artigas, Ramon Torné Teixidó, CLB et Lycei "Ferran Casablancas", Arraonae; Javier Ortiz Cano, CLB et Lycei "Montserrat Roig", Egarae.



Commendatio

Sunt qui putent linguam Latinam tantummodo interpretando doceri posse. Nos vero eas adhibere rationes proponimus ut Latinitatem doceamus quae passim usurpantur in linguis hodiernis docendis.

Nostra quidem opinione, si quis colloquium Latinum intelligit atque Latine loqui valet, etiamsi simpliciter, melius atque expeditius scripta intelliget Latina.

Cursum igitur offerimus, ubi Latine perpetuo docetur atque participes provocabuntur ut hoc utantur sermone loquendo atque scribendo, et de semet ipsis et de scriptis Latinis omnium aetatum.

Quonam modo id fiet sive modus operandi.

Scholas trademus ea methodo utentes, quae vulgo communicativa dicitur: primo provocabimus participes ut sermones serant de scriptis Latinis imaginum ope quae ad ea attineant. Deinde scripta ipsa excutiemus. Animum praesertim intendemus in verba et formulas utiliores. Postea exercitia varia proponemus quo participes expeditius atque fusius suas sententias proferre valeant.

Si nomen dare vis, hic premas.

Si praeconium Catalaunicum legere vis preme.

Cap comentari:

Publica un comentari a l'entrada